[食評][旺角]漁場台風 Isaba Taifu

行過見到個門口咁有型，俾佢吸引左入黎食，入到黎都幾寬敞，雖然都係吧檯形式坐，不過都坐得幾舒服

裝潢都當然日式啦，不過係新式日風，牆上貼既係Eva,jojo,電影或女子團體，主打應該都係年輕人市場，而且見到主廚應該係日本人，佢同人溝通都係用日文，咁唔知佢係咪老細，定其他人係老細請佢番黎

咁我就叫左(魚介豚骨蕃茄海蝦沾麵)，其實我係想食拉麵的，但原來佢日頭係沾麵，夜晚先係做拉麵，麵黎到已經聞到蝦味，急不及待即開吃，麵當然就一定彈口爽口，個湯底明顯食到蕃茄味，但又不會太突出，岩岩好係豬骨湯入面的蕃茄，而且好明顯既蝦味係湯當中，湯濃而不膩，湯內有幾塊豚肉，明顯有火烤過的味道，食完再加清湯飲埋，真係大滿

地址:旺角快富街39號建煌華廈地舖

電話:2487 4488

[食評][紅磡]ICONIC H 特色熱狗店

成日都想過黎食，但因為佢鋪仔細，加埋都係得5個位，有3分2係廚房黎，有時行過都冇位坐黎食，其實好多人多數都係買外賣，不過我買完番到屋企都凍哂，本身其實都坐滿人，好彩我諗更食乜好同食唔食既時候，有人剛剛好食完離開，我當然即刻霸位

諗左陣佢最出名係芝士熱狗，咁就叫左個招牌地獄芝味(好睇有得走辣)，加多10蚊就加埋黑松露，同加12蚊有小食野飲當然跟埋，另外再要個大饅狗

本來廚房得兩個姐姐係到，明顯唔夠人做到踢哂腳，好彩原來有兩個救援，如果唔係應該要等好耐
兩隻狗同其他野係一次過黎，個熱狗都有半隻男人前臂大，因為芝士要熱食先正，所以食芝味先，一口咬落去濃濃芝士味，再加少少石油氣味既蛋味，當然少不得拉番芝士絲出黎啦，其實佢話有四重芝士，但我只係食到3隻芝士味，冇計，我唔識食

之後當然條饅魚啦，原條饅魚長過熱狗少少，一口咬落滿滿饅魚，其實條腸都可以無視，原全集中哂係條饅魚到，不過可能我前面已經食左個芝味都已經夠哂肥膩，我食左一半饅魚已經好飽，我應該叫左小饅，問番人先知熱狗都係咁大，只係饅魚打直一半，或者大饅應該兩個人食，個感覺其實幾似食左一個饅魚飯

地址:紅磡必嘉街97號黃埔唐樓C座106A舖

電話:5595 5981

[食評][深水涉]老鳳冰室

前排師父推介依間新野俾我，今日終於得閒過黎食，咁岩係門口就撞到我師父都黎食飯，聽師父講未重新裝修前好唔掂，今次換個裝修，廚房所有人重新換過，裝潢都係已懷舊為主，貼滿舊香港的海報，放菜單的係舊式信箱，面菜單係信封，第一眼望埋去以為係鐵會戒手，但原來係布袋黎都幾有趣，仲有首"命都舞"我好想知係咪真係有

咁一坐底就嗅到石油氣味，當然係黑松露，聽聞好鍾意去華星食黑松露抄蛋既，都話依間好食，可能係仲好食，咁我當然叫番一份黑松露抄蛋多士，仲叫多個蝦多士，仲有原味波波奶茶，黎之前見住廚房師父好似唔洗錢咁狂落黑松露

黎到超級香噴噴，食落口充滿松露味蛋就滑一滑，厚多士脆得黎又霖，無得頂，蝦多士亦都好快多，入面真係蝦膠冇hea你，食落口，嘩~我以為係天婦羅，而且最神奇係冇油既，佢外表係炸到脆卜卜，但多士入面係白雪雪冇吸到油，但煎既話又冇理由咁脆，好神奇，我望下隔離枱的炸雞脾，又係人面咁大塊，炸到金黃色但都係唔見有油，唔知佢點炸，仲有杯波波奶茶，其實只係奶茶變左波波冰，咁樣奶茶唔會沖淡但又夠凍

不得不提係廚房有3位師父，由我坐底到走都冇停過手，最勁既地方係，做野超快超爽手，樣樣野都整得好快，但絕對交足功課，食完忍唔住俾隻手指公佢地，再提提佢有味叫保齡球，半個人頭咁大，每日限量唔係一定有，最後要講既係"平民價"，起碼食完唔會覺得貴，係到太多想食，可惜個胃唔夠大

另外送既例湯,例湯係飲得出有心機~絕對唔係是但整,仲有我師父食過既"喇沙豬扒湯米線" "巴辣汁米網春卷燒扒飯" "同埋唔一定有既燒豬手,咁大舊都係$68,一個人真係未必食得哂

地址:深水埗基隆街216號地舖

電話:2660 8136

[食評][觀塘]恆發雞蛋仔

其實我一直都幾鍾意食雞蛋仔，見到觀塘有檔就走去試下，因為行緊去時有間鋪都有雞蛋仔，聞到雞蛋仔既香味以為到左，不過再行前少少先見到，但都奇怪聞唔到香聞，要行近點先聞到，再望下好似有野吸番空氣入鋪內，唔知點解呢?

一去到都已經有4，5個人係到等更，我已經2點先去都有人等，繁忙時間咪等死人，而且都見佢慢工出細貨，平均5，6分鐘先一底，好似5個煎鍋到，加上前面有人等更，我都等左10分鍾到先有得食

話慢工出細貨都應該既，一黎倒完蛋漿之後慢慢放材料係中間，之後合埋再係旁邊再倒蛋漿，可以想封口封得好點



不得不說外皮真係好脆同內軟，純雞蛋仔黎講已經好食，但我叫既已經係特濃芝士，感覺芝士味唔係好夠，但又再諗多層，咁又岩喎!依家雞蛋仔味有，芝士味都有，雞蛋仔味中散出清淡的芝士味，咁咪兩樣野都食得到無互嗆



未食之前我諗既食滿口芝士，但又諗番又唔係食熱狗，漢堡，咁多芝士做乜

地址:觀塘協和街177號

[食評][觀塘]侘寂珈琲 Wabi Sabi Coffee

侘寂一詞係日本的，我用最簡單去解釋就係（平民，簡單，低調，缺陷美），我一直都覺得不完美的完美才是美，亦都係工廠大廈有cafe，係一件好有趣的事，正如我上到去全層有好多搬運師父在開工，但在角落有間不食人間煙火一樣，用簡單的木門做門口，推門入內好像另一世界，正正依種反差我真係好鍾意

門內的確簡單的日風設計，有一間和室係到都幾有趣，可能我唔係食飯時間去，成間cafe得我一個，唔知係咪要跟番個名，明明係日風設計，但食既係英式既all day breakfast,其實依食依樣野我一直覺得好文青，唔係文青其實做乜夜晚都仲要嘆早餐

我就叫左個份量少點，同聽聞咖啡唔錯，但又唔係好識所以問下有乜介紹，咖啡師就推薦左杯picolo latte我飲，一份簡單的早餐好快就到，而且因為得我一個人，慢慢聲播住鋼琴演奏聲，的確我嘆更食早餐獨有個份安靜，放低部電話享受一刻的寧靜，

食完忍唔住都再要個搽茶mousse,去得cafe咖啡可以唔飲，但甜品緊係要食，平身想食豆腐味，但係和風的鋪頭中，好似選擇搽茶會岩數點，的確唔錯mousse茶味夠，而甜味就交俾紅豆，兩樣配合的岩岩好，唔會雙方互嗆

平時我食飯係好快就食完就走，但今餐我就每一啖都慢慢食，慢慢嘆





地址:觀塘觀塘道396號毅力工業中心4樓C室
電話:2511 1929

[食評][紅磡]拉麵天王 Tenno Ramen

天王拉麵見個名咁勁，緊係入去朝聖下，係一條橫行入面，有生果鋪，開鎖佬，電器鋪，中間有間日式裝修既拉麵鋪，其實同周圍都幾格格不入

我入去食既時候都尚早加上落雨，所以成間鋪都係得我一個，樓面一位姐姐招呼我，落單之後就有位少女出黎煮麵，之後亦都走多幾知年輕人出黎吹水，感覺上係年輕人開既鋪頭，不過冇問到就唔知真假啦
我最鍾意食特色野家啦，緊係叫限定啦，有味噌味同胡椒芝士，胡椒芝士睇名都勁啦，緊係簡芝士啦

得我一個包場既關係都幾快黎到，麵上滿滿的芝士粒，我個人建議推落湯中俾芝士熱溶，因為溶左之後芝士係變左可以拉絲，同拉麵一齊食又多個口感，而且唔好忘記湯底係濃郁的胡椒湯底，芝士岩岩好中和到胡椒太嗆的感覺，而且令每口麵都有幾種層次，都估唔到胡椒同芝士又幾岩，當然唔係純粹係胡椒湯，飲落口第一下除左係胡椒之後，第二下就感覺到豬骨湯底的甜，濃而不細膩味道岩岩好，食完之後今日咁岩有優惠，可以加多個麵底唔加錢，食完好飽，所以都冇要佢個甜品，最後個姐姐開埋門送我走，包左場係唔同d既，哈

地址:紅磡德民街17-27號B5B地下

電話:2627 0766